最近睇咗套劇，講到一個原本係電腦入面嘅虛擬角色，因為「原子運動」突然變成真人。我聽完真係忍唔住想講句：你係咪連基本常識都冇？
虛擬角色係由0同1構成，係資訊嚟㗎嘛，唔係由原子構成嘅物質，點解會憑住「原子運動」變出一個人？你起碼都搵個合理啲嘅科幻理由啦。
然後有人走出嚟話：「但係有可能我哋成個宇宙都係虛擬㗎～」
講真，你講緊係哲學上假設有高維存在創造咗個模擬宇宙，但你講嗰個「虛擬」，同電腦程式嗰種「虛擬」完全唔同層次好唔好？
就算我哋真係生活喺模擬宇宙，都要遵守創造者定出嚟嘅物理規律。我哋由原子構成，呢個係事實。你唔可以將「哲學虛擬」同「數碼虛擬」混埋一齊講，仲當自己講得好合理咁。
總結句：叫得同一個名，唔代表係同一樣嘢。
你拎支可樂去裝油，你話佢哋都係液體，但你飲唔飲？